أناظر الساعه وأستنكر بطاها شجوب

أناظر الساعه وأستنكر بطاها شجوب
يطول بي الليل سهرانٍ في ظلامه
\
أهوجس فالنجوم ومراسيل الشهوب
ونور البدر يذكرني في (فلانه) تمامه
\
والكواكب من بعدها بانت شحوب
يشقيني المريخ ويرميني زحل بسهامه
\

عطرها يطري إذا أنه هب الهبوب
وهمسها يقطعه صوت النسيم بكلامه
\
ينزف أفكاري شوف الغيوم والسحوب
وأسأل نفسي ليلي طال علامه؟
\
على سرير دله بان فيني شحوب
وسيف الألم زاد فيني آلامه
\
حولي أهلي وإخواني وكل الصحوب
كلهم حولي وكلن جالسٍ في مقامه
\
هذا لسانه بِسَرد السوالف ذروب
وهذا يجاملني من شفاته بإبتسامه
\
وهذا يضحّك باقي الشله والقروب
وهذا جالس يتحمد لي ع السلامه
\
وأنا في همي تايه البال ومكروب
من كبره والله أني ماعلي ملامه
\
همي غياب (فلانه) ياعرب ياشعوب
همي (فلانه) ماتحمدت لي عالسلامه
\
ليتها يمي تنوّر بنورها الدروب
وتحط يدها على راسي وتروح آلامه
\
وتقول ليت تعبك فيني والكروب
ليتني أشيل همكـ وكل أسقامه
\
وأناظرها وعيني فوسط عينها تذوب
وأقول لها فديتك ونتبادل الإبتسامه
\
ليتها وليتها كلمة حولي تجوب
ماتجيب ليتها غير الحسره والندامه
\
هذا قضاء ربي آمنت به وأتوب
والموت حق والله يحسن بي ختامه
\
الله يستر لا وصل عمري الغروب
تنوحين وتتخذين من سبيل الندم حرامه
\
إدعي الله يجعلني عن النار محجوب
ويحللني إن ظلمتك يوم بغشامه
\
وأنا دامي على ذكرك لليوم أذوب
الله يزيدك من كل أجر مليون علامه
\
وصيتي كتبتها بدم قلب مشبوب
تعب نزفي يكتبها وكل القلامه
\
ختامها فآخر أنفاسي بكتب ويادوب
ألحق أبصم (أحبكـ) إلى يوم القيامه




مما راق لي