البنات ملح الحياة ...

البنات ملح الحياة ..
.
.
.
.
.
.
.
.

مخطي اللي واضـع اللـوم كلـه بالبنـات

كل أبونا نختلف عنـد نسبـة كـل خطيـة

والبنات اليا نحكى الصدق هن ملـح الحيـاة

هن عمـود البيـت لاصـار للبيـت أولويـة

كلنا نعرف حنان البنـت عنـد المشكـلات

وبالوفاء من يغلب البنـت لاصـارت وفيـة

اذكر أختي من كذا عام مـن بـد الأخـوات

يوم أمي في مرضها طايحه ما هـي قويـة

كانت تغّسل جسدها وعينها تعـاف المبـات

وكانت تصلـي وتدعـي لامنـا بالمقدريـة

كانت تصبر آلمها فـي سوالـف مبطيـات

وكانت تقبل وجـع أمـي إذا قالـت هنيـة

مـن مرضهـا لزمتهـا الـى يـوم الوفـاة

وغسلتها وكفنتهـا ودمعـه تـذرف سخيـة

أمّنت والحين كـل يـوم تدعـي بالصـلاة

تطلب الله يرحـم أمـي بالجنـان المخمليـة

هذا هو فعل البنيـة يـا كثيريـن الشتـات

تتهمون البنت وانتـم مـا بكـم ذرة حميـة

والله اكثـر هالبنـات بالمواقـف طيـبـات

شامخات ولا يردن بالعطـاء وقـت العطيـة

يصبرن لا شافن الوقـت قصـر بالعطـات

مو مثـل مـن خـان فـي خيـت خويـة

ياأخي اصغر خطايـاك رمـي المحصنـات

الأذيـة وش تبيبـه قـم يعـلـك لـلأذيـة

البنات بحـزة الجـود والله انهـن جيـدات

ولو حسبناها مثل ما قالوا هناك عند الأغلبية

ندري انـه بكـل مجـالات يبقـن غالبـات

لو حسبنـا ألـف رجـال نعادلهـن بميـة

الدليل نشـوف ذا اليـوم بنـت الجامعـات

بالتفوق دايم نشـوف بـارزة بنـتٍ ذكيـة

واجب انـه نرفعـه فـوق فـوق النايفـات

ونقطع اللسان العذول كل ما مـس اجوديـة

ياأخي اضحك وندري الضحك عندك مشتهات

ونعرف انه بضحكتك ضحك من شر البليـة

العب العب لين مـا الوقـت يعلـن بالفـوات

ما نقول انك غبي ومـا نقـول انـك غبيـة

مسألتنا يـا جماعـة مـو مسائـل سيـدات

القضية كـل أبوهـا بـس قضيـة أفضليـة

احسموها يا الحضور بكلمـةًٍ مابـه بهـات

هو صحيح البنت صارت عندكم اكبر قضية

من هنيا ومـن هنيـا ألـف تحيـة للبنـات

ويا شباب انتو اسمحولي بس لكم مية تحيـة

ومني لكل بنت مليون تحية ..



اخوكمـ سعود

م\ن

تسلم اخوي والله يسعدك دنيا واخره كلمات مره اثرت فيني :يعطيك العافيه:

اسعدني مروركم الرائع والف الف شكر

والله مافي منا هههههههاي ينطيك العافيه كامل الأوصاف مميزبطرحك كالعادة

الله يعافيكم جميع واسعدني تواجدكم الطيب