مات قلبي وماقدرت ابكي عليه

مات قلبي وماقدرت ابكي عليه
مات وجفت دمعتي داخل عيوني
مات قلبي والحشى يصرخ يبيه
وحسدوني ناس يوم شافوا سكوني
انذبح قلبي من جروح تجيه
والسبب أغليت ناسي وجرحوني


مات قلبي من حبيب مبتليه
ومن بعد ما غبت قالوا هم يبوني
كان قلبي يزرع أشواقي بيديه
وش أسوي والألم داخل جفوني
لو ظما قلبك دموعي تحتويه
كم رحمت اللي ولا يوم رحموني

مالي غير الله بالليل ارتجيه
يا الهي خذني يمكن يعتقوني
كان قلبي صرح للحب السفيه
وانهدم في داخلي وثارت شجوني
كان قلبي يشتكي لي واشتكيه
ولا سمعوا شكواي هم من يحرقوني

كان قلبي ينتظر لامن نسيه
بس وين إنسان يقبلني بكوني
كنت اعذل القلب بس الله يهديه
قال قلبي ابعدوا ما تفهموني
قلت له يا قلب راح اللي تبيه
قال راضي بالهوى لو عذبوني
كان قلبي علته يمشي ويتيه
الهوى والقلب والخل ذبحوني