قصيدة قررت اعاااف الحب

قررت أعاف الحب عشره وسيره
ماعاد يطربني على الحب موآل
واللي خلقنا عالمٍ بالسريره
قلبٍ صدوق الود وقلوب تحتال
وشخصٍ يحدد في حياته مصيره
وشخصٍ مصيره في حياته للإهمال
وشخصٍ يبى يرقى رقاب العشيره
وشخصٍ سرى برقه مع كل همال
وهموم رحاله على كل ديره
يا عز/ يا ياقوت / ياجاه / يامال
وقتي غزاني بالبحور الخطيره
اللي يجنب صعبها كل رحآل
وجدي على نبض القلوب السفيره
اللي لهم في خافي الروح منزآل
أهل المثنى والبرآ والمغيره
أهل الشجاعة والمبادي والأمثال
أهل العقول المبصره والمنيره
قومٍ يقدر رجلهم بألف رجال
علمٍ يذرى في الليال المطيره
وعلمٍ سرى يطرد سرابه مع اللال
واللي يِحَكِّم في حياته ضميره
يبقى ضميره حيّ في كل الأحوال
أيام نمشيها بنفس الوتيره
وأفواج بعض القوم كذبه وتمثال
ياليل يامسكون ب أوهام حيره
اصبر على صمت الليالي والأهوال

[ندعوك للتسجيل في المنتدى أو التعريف بنفسك لمعاينة هذه الصورة]

» قصيدة جمعت سور القرآن
» قصيدة التأشيرة لهشششششام الجخ
» قصيدة عتاب عجيييييييبة بتمنى تعجبكم
» شعر عن الحب (كلام في الحب )
» قصيدة محزنة عن قلب الام