يمكن الحب غلطة في زمن كله ذئآاب ..

يمكن الحب غلطة في زمن كله ذئآاب ..

أصعَبْ أيَّام بحياتي واقْسى لحْظاتي المَرِيرَة
يُومِكِ اتجيني وتِعْلِن في سَما عُمري الغياب

والله ماشُفتِ بْحياتي .. مِثْلها لحظة عَسيرة
وماعْتقِد ممكن أجَرِّبْ .. أقسى من هذا عِقاب

أقسم أن الوقت قاسي وهذي الدِّنيا حقِيرة
مِن تِحِبَّه بْصدق تِزرع بينك وبينه حجاب

في زمنَّا تعبت أدَوِّر .. للعشق موطِن ودِيرَة
تعبت أدوِّر عن ملامِح حُبي في دنيا السَّراب

صِدق لاقالوا: (قِصِيرة اليَدْ وعُيونِك بَصِيَرَة)
صِرتَ اشوفِك أبْعَد وأبْعَد مِن آفاقِ السَّحابْ

يِمكنِ انِّي ع العِشِق لِسَّى أنا توِّي صغيرة
ويِمكنِ ان الحُب غَلْطة في زمن كله ذئَاب

أدْري إني في حياتك (مشكلة جدَّاً كبيرة)
وادري إنك من سبب حُبي جَنيت أكبر عذاب

علِّم اللي عاش في الدنيا وهُو فاقِد ضميره
علِّم اللي غَرَّقُونا داخل أكوام العتاب

علِّم اللي ماكفى شرَّه ولاورَّانا خيره
علِّم اللي في هَوَانا .. لامِنا .. وجَرَّحْ .. وعَابْ

واللي من نبض الوفا عاشَت مشاعرهم فقيرة
قل لهم : مِن حَبْ يخلص .. يِمْتِطي ظهر الصِّعاب

قل لهم : اللي تِفَانَى في الهوى يِحفَظ مسيره
قل لهم : لازِم يِضَحِّي ولازم إنَّه مايِهَاب

قل لهم : ماتِحب غيري وقلبي مابِتْحِب غيرَه
وافِيَة لو هُو عُمُرها من جِفا الأيام شاب

ماقدر أنساها وعودك .. والأماني بي كثيرة
قلت لي: ( وعْد ابْقَى جنبك دوم أنا وانتي قراب)

كيف ابنسى وصوتك اللي بمسمعي زايد هديره
كيف ابنْسى اللي ف ضُلُوعي مِن غرامه القلب ذاب

قل لي كيف انسى بربِّك .. حالتي والله خَطيرَة
عَطْنِي للسَلْوى طريقة ولِكْ مِن المولى ثواب

شِف دموعي كيف تَذْرِف فُوق خدِّيني غَزيرة
والأمل داخل كياني إنْطفَى ضوه وغاب

قلبي اللي بِك تولَّع ياعسى ربي يجيره
من هجر صوَّبْت سهمه في مَعَاليِقه وصَاب

أَعْرِف ان الورد مايِهْدَى وهُو فاقِد عبيره

رَجِّعَه قلب(ن) ملَكْتَه وبين يَدِّيْنِك تِدِيرَه
لو تشوف انه غرامي لك غدا ضدِّ الصوابْ

أسألك بالله قِل لي .. بس ابي كلمة اخيرة
باسالك واحتاج ردك .. لازم ترد الجواب

قِدْرَت عُيونك في بُعْدي تْنام مرتاحة قريرة؟؟
هل جِفِن عينك تِهَنَّى بْنُومته فبُعْدي وطاب؟؟

أو عيونك مثل عيني .. مسامرة الطيف وسِهِيرة
قل لي في بُعدي أمانة .. عادي يومك أو عذاب؟؟

[ندعوك للتسجيل في المنتدى أو التعريف بنفسك لمعاينة هذه الصورة]

» هل الحب الثاني يمحي الحب الاول
» نادين الراسي: "غلطة عمري عمل درامي جريء"!
» وردة الجزائرية: غنائي لحسني مبارك كان "غلطة عمري"
» شعر عن الحب (كلام في الحب )
» هل يمكن ان تحب شخصا لم تراه ؟؟؟؟؟